Mehr weten över Water – Uns Water-Beleevnis-Padd

Wassererlebnispfad

Water is Leven!
Hütigendaags is för uns Water, dat wi frisch drinken künnt, täämlich normaal. Man dat is noch gor nich lang her, dor weer dat ok hier bi uns böös swoor un maak veel Möh, Water to kriegen, dat en drinken kunn.

Bi unsen Water-Beleevnis-Padd dreiht sik allens üm dat Thema Water. Dat Natt, dat wi to’n Leben bruukt, hett den Rhythmus vun dat Leven vun uns Vöröllern bestimmt.  Ok hüüt noch dreiht sik veel dor üm.

Wenn wi den Padd langgaht, kriegt wi Antern up de zentrolen Fragen rund üm dat Thema Water. Wi künnt sülvst utprobeern, woans en Sood funktschoneert oder wo een dat Water drägen kann.

Blangenbi gifft dat en groten Speelplatz mit Water, wonehm Groot un Lütt mit dat fuchte Element spelen un in Kontakt kamen künnt.

Kinder entdecken den Wasserspielplatz

Bi den Water-Speelplatz gifft dat veel Nee’et ruttofinnen

Hier künnt Kinner plantschen un Saken ut de Physik utprobeern – to’n Bispill den Druck vun Water oder wat en Strudel anrichten kann. En Flooßfohrt oder dat Modell, dat wiest, woans en Rieselwisch funktioneert, maakt ok Groote veel Spaaß.

En besünnern Plätz laadt dorto in, en Picknick to maken oder sik en beten to verpusten. An en Kiosk, de as en Pilz utsüht un ut de föftiger Johrn stammt, kann’n wat to eten un to drinken kriegen.

De Waterbeschaffungsverband Horborg kümmert sik tohoop mit dat Butenmuseum an’n Kiekebarg üm den Water-Padd. De Beleevnis-Padd föhrt uns vör Ogen, wo wichtig dat Water för de Minschen in uns Gegend is.

Leest Se dorto ok
  > Hintergrund Wassererlebnispfad
Hintergrund Wassererlebnispfad    55 KB
  > Kurzdarstellung WBV Harburg
Kurzdarstellung WBV Harburg   289 KB



Webdesign & Realisierung: Werbeagentur Tangram