Lebennige Geschicht – Uns Veehtüüch

Historische Nutztierrassen

In’t Butenmuseum an’n Kiekebarg leevt Veehtüüch, dat so üm un bi 1900 up en Buernhoff in uns Gegend tyypsch (begäng) we’en is. Vör allen hannelt sik dat üm Veehraßen, de hüüt vun’t Utstarben bedrauht sünd, wieldat se in de Aart un Wies, in de hüüt produzeert ward, nich mehr rinpassen doot. So leggt en Hehn vun de Ramßler Blaubeenten nich so veel Eier und bruukt dorför mehr Utloop as moderne Raßen. Dat bedüüt, dat se hüüttodaags in de Bueree nich mehr to bruken is. Wat in de Bueree hüüt produzeert ward, is in’n Supermarkt mien Leevdag nich so billig we’en. Dorbi sünd vele Sorten - un dormit ok de besünner Smack – verschütt gahn.

Nich blots de Gourmets ward na un na wies, wat beter is an de olen Veehraßen. Jümmers mehr Minschen möögt to’n Bispill de ruhigen Höhner geern, de lang leben doot, un kööpt in uns Museum junge Küken, üm se to Huus uptotrecken. Up düsse Aart un Wies maakt wi tohoop mit uns Besökers Schuul för de Oorten.

Historische Nutztierrassen - Bunte Bentheimer Landschweine

Bewohren smeckt goot
Na en glücklich Leven in’t Museum ward uns Bunten Bentheimer Swien slacht. En Dörpsslachteree ut de Gegend verarbeidt jüm ehr Fleesch na ole Rezepten to Huusmakerwust. De smeckt wunnerbor, un de künnt Se in’n Hoffladen köpen. Probeert Se driest de velen, velen leckern Saken ut uns Gegend!

Uns "Bewahners"

  • Bunte Bentheimer Swien
  • Bentheimer Landschaap
  • Ramßler Blaubeente (Höhner)
  • Sleswiger Koltbloot (Peer)
  • Swattbuntet Veeh (Köh)
  • Pommersche Göös
  • Bronzepuut
  • Kaninken
  • Honnig-Immen 



Webdesign & Realisierung: Werbeagentur Tangram