Dat Agrarium – En Magazin to’n Ankieken un Mitmaken

Agrarium - Ausstellungswelt Landwirtschaft und Ernährungsindustrie

Zentrum för de Industrie vun dat Eten un Drinken un vun de Bueree
Eten un Drinken is de Grundlaag vun uns Leven: Mit dat Agrarium wiest wi, woans Levensmiddel hüüt maakt ward – un fröher maakt worrn sünd. Themen, üm de sik allens dreiht, sünd de Industrie vun’t Eten un Drinken un de Bueree hüüttodaags. To’n eersten Mal in Düütschland ward Landweertschap un „Ernährungsindustrie“ tohoop präsenteert.

Eten un Drinken – wat allens dortohöört
To’n eersten Mal seht de Besökers, up wat för Oorten un Wies de velen Nehrmiddel produzeert ward. Se künnt bi Experimenten un an „Genuss-Stationen“ kieken, rüken, smecken un anfaten. Vele Facetten ward dorbi upgrepen: Ackerboo  un Veehtucht, Wiederverarbeiden to dat Produkt, dat op den Disch kommt. Aver een ward ok verklort, wat dor achter steken deit, wat wi jedeen Dag eten doot, to’n Bispill, wo seker Levensmiddel sünd un wat dor allens binnen is. De Kantüffel vun’n Fellen bet to Pommes Frites, de Melk vun’n Jidder bet to´n Joghurt, Verpacken, Tosatzstoffen, Bioenergie un wat een goot smeckt, so as Zucker, Kaffe un Schokolaad. Hier griept vele Themen ineenanner, de wi ut’n Alldag kennt.

Trecker-Regal im Agrarium

Mit Vergnögen wat rutfinnen – för jedet Öller
Mehr weten un mit Spaaß lehren un experimenteern för jedet Öller – op egen Fuust künnt Groote un Kinner, Schoolklassen un Familjen rutfinnen, wat achter jüm ehr Levensmiddel steken deit.

Dat Butenmuseum an’n Kiekebarg as Zentrum för de Bueree un de Industrie vun Eten und Drinken 
Dat Butenmuseum an’n Kiekebarg befaat sik al vun Anfang an mit de Themen Bueree un Eten un Drinken. Dat Agrarium ward en Magazin to’n Ankieken, Anfaten un Mitmaken. Wi findt hier historische Schätz ut dat Museumsdepot: vun de Maschien to’n Kafferösten bet to’n Lanz Bulldog. Wi arbeidt mit Buern un Bedrieve ut de „Ernährungsbranche“ tohoop. Dorüm seht wi ok, woans hüüt arbeidt ward. Up dree Etagen ward dat Agrarium to de Themen Bueree un Industrie vun Eten un Drinken allens wiesen – ut de Sicht vun fröher, vun hüüt un för de tokamen Tiet.

De Eckdaten

  • Flaag för dat Utstellen: 3.300 qm
  • Boobeginn: Fröhjohr 2010
  • Open: Mai 2012  



Unsere Partner
Förderer der Basisfinanzierung des Agrariums



Webdesign & Realisierung: Werbeagentur Tangram