Museumsbuernhoff Wennerstörp

Lebennig un wat to’n Beleben – de Smedshoff in Wennerstörp is keen gewöhnlichen Buernhoff. Düsse Butensteed is Museumshoff un steiht to glieke Tiet för ökologische Bueree un Arbeid mit Behinnerte. Veeh un Goornbo, Feller un en oolt Buernhuus – hier kann’n dat Leven up’n Lannen so kennenlihrn, as dat so üm un bi 1930 togahn is. De veerhunnert Johr ole Hoff liggt in de Noordheid in dat lütt Dörp Wennerstörp bi Raad, un dat is bet hüüt en Buerndörp bleben.

Hoff-Café un Hoff-Laden, Kurse för Kinner un grote Lüüd, Daag mit Aktschonen – up den Museumsbuernhoff is dat ganze Johr öber veel loos.

Museumsbuernhoff Wennerstörp (Wennerstorf)
Linnenstraat 4
21279 Wennerstörp
Klöönkassen (04165) 21 13 49
info[at]museumsbauernhof.de
www.museumsbauernhof.de

De Intritt köst nix!
An Aktschoonsdaag betahlt grote Lüüd dree Euro.
Besökers ünner achteihn Johr un Maten vun den Fördervereen vun uns Museum bruukt ok denn nix to betahlen.

So findt wi hen
De Museumsbuernhoff liggt blots en poor Minuten af vun de A1, Utfohrt Raad (44).En Schild wiest glieks den Weg. To den Museumsbuernhoff Wennerstörp duert dat mit’n Auto vun Hamborg ut en halbe Stunn un vun Bremen ut weniger as een Stunn, wenn allens glatt löppt




Webdesign & Realisierung: Tangram. Werbeagentur